50._east_aleppo_karamalmasri_msf.jpg

19.11.2016

လေကြောင်းတိုက်ခိုက်မှုများ ပြန်လည်စတင်သည့် နိုဝင်ဘာလ ၁၅ ရက်နေ့ နောက်ပိုင်းတွင် အသိမ်းပိုက်ခံထားရသည့် အရှေ့အလက်ပိုရှိ တစ်ခုတည်းသော ကလေးအထူးကုဆေးရုံအား ဒုတိယအကြိမ်မြောက် တိုက်ခိုက်ခံလိုက်ရသဖြင့်၊ အထပ်သုံးထပ် ပျက်စီးပြီး လုပ်ငန်းလည်ပတ်မှုများ ရပ်တန့်ခဲ့ရသည်။ အခြားဆေးရုံသုံးခုအားလည်း တိုက်ရိုက် ပစ်ခတ်မှုများ ရှိခဲ့သဖြင့် ဆေးရုံဝန်ထမ်းနှင့် လူနာများ ထိခိုက်ဒဏ်ရာရခဲ့ပြီး၊ အဓိကခွဲစိတ်ဆေးရုံ နှစ်ခုနှင့် အကြီးဆုံးသော အထွေထွေဆေးရုံတို့ လုပ်ငန်းလည်ပတ်မှု ရပ်တန့်ခဲ့ရသည်။

“ဒီနေ့ဟာ အရှေ့အလက်ပိုအတွက်တော့ ကံဆိုးမိုးမှောင်ကျတဲ့နေ့ပါပဲ။ ဗုံးရဲ့ ပြင်းအားကြောင့် ဆေးကုသမှုပေးဖို့ မနားတမ်းအလုပ်လုပ်နေရတဲ့ ဆေးရုံအနည်းစုလေးမှာ အကြီးအကျယ် ပျက်စီး ခဲ့ရပါတယ်”ဟု MSF အရေးပေါ်ပေါင်းစပ်ညှိနှိုင်းရေးမှူး ထရီဆာဆန်ခရစ်စတိုဗယ် က ပြောသည်။ “တိုက်ခိုက်မှုတွေကြောင့် ဆေးရုံတစ်ခုလုံး၊ မီးစက်တွေ၊ အရေးပေါ်ခန်းတွေနဲ့ လူနာဆောင်တွေ အားလုံး ပျက်စီးခဲ့တာကြောင့် ဆေးဘက်ဆိုင်ရာ လှုပ်ရှားမှုအားလုံးကို သူတို့ မဖြစ်မနေ ရပ်နားထားရပါတယ်။ အရပ်သားတွေနဲ့ အရပ်ဘက် အခြေခံအဆောက်အအုံတွေကို မဆင်မခြင် တိုက်ခိုက်တဲ့အပေါ် MSF က သာမကဘဲ လူသားချင်းစာနာမှုဆိုင်ရာ ဥပဒေကပါ ရှုတ်ချပါတယ်။ ပြောချင်တဲ့စကားက ရိုးရိုးလေးဖြစ်ပြီး၊ အဲဒီစကားကို ဒီထက်ကျယ်အောင် ဘယ်လိုပြောရမလဲ မသိတော့ပါဘူး။ အဲဒါကတော့ ဆေးရုံတွေကို ဗုံးကြဲတာ ရပ်ကြပါ

“ကလေးဆေးရုံဟာ လေကြောင်းတိုက်ခိုက်မှုတွေကို ဒုတိယအကြိမ် ခံရတာကြောင့် ထပ်မံထိခိုက်ခဲ့ရတယ်” ဟု ဆီးရီးယားစီမံကိန်း၏ MSF ဒုဌာနေကိုယ်စားလှယ် လူးဝစ်မွန်တီယယ် က ပြောပါသည်။ “ဒါဟာ သိမ်းပိုက်ခံထားရတဲ့ဒေသမှာ ရှိတဲ့ တစ်ခုတည်းသော ကလေးဆေးရုံ ဖြစ်ပြီး၊ အခုတော့ ရပ်နားထားရပါပြီ။ မဆင်မခြင် ဗုံးကြဲခြင်းရဲ့ အကျိုးဆက်တွေက သိပ်ထင်ရှားပါတယ်။ အသက်တွေ ထပ်မံဆုံးရှုံးရတယ်၊ ဆေးဘက်ဆိုင်ရာ ဝန်ဆောင်မှုတွေ လျော့နည်းသွားပြီး၊ သိမ်းပိုက်ခံရမှုထဲ ပိတ်မိနေတဲ့လူတွေ မကျော်လွှားနိုင်လောက်အောင် ထိခိုက်ခံစားရတယ်။ ဒီနေရာမှာ မရှင်းလင်းတာက ချုံးချုံးကျနေတဲ့ ကျန်းမာရေးစနစ်ဟာ ဗုံးကြဲတာတွေ ရပ်တန့်ပြီး၊ ဆေးဘက်ဆိုင်ရာ ထောက်ပံ့မှုတွေ ဝင်ခွင့်ရတဲ့အချိန်အထိ ဘယ်လောက်ကြာကြာ တောင့်ခံနိုင်မလဲဆိုတာပဲ ဖြစ်ပါတယ်။”

ဇူလိုင်လတွင် မြို့တော်သိမ်းပိုက်ခံရပြီးနောက်ပိုင်း အရှေ့အလက်ပိုရှိ ဆေးရုံများသည် သီးခြား ဗုံးကြဲမှု ၃ဝ ကျော်၏ဒဏ်ကို ခံခဲ့ရသည်။ အရှေ့အလက်ပိုရှိ ဆေးရုံအားလုံးကို တခြားအဖွဲ့အစည်း များနှင့်အတူ MSF က ထောက်ပံ့ပေးလျက် ရှိသည်။

MSF သည် အရှေ့အလက်ပိုတွင် ၂ဝ၁၄ ခုနှစ်က စပြီး ဆေးရုံ ၈ ရုံတွင် ဆေးဘက်ဆိုင်ရာ အထောက်အပံ့များ ကူညီပေးနေသည်။ MSF သည် ဆီးရီးယားမြောက်ပိုင်းတွင်လည်း ဆေးခန်း ၆ ခု ဖွင့်လှစ်ထားပြီး တစ်နိုင်ငံလုံးတွင် ဆေးရုံနှင့် ကျန်းမာရေးဌာနပေါင်း ၁၅ဝ ကျော်ကို အထောက်အပံ့ပေးထားပြီး အများစုမှာ သိမ်းပိုက်ခံထားရသည့် ဒေသများတွင်ဖြစ်သည်။ ကျွန်ုပ်တို့ အကောင်းဆုံး ကြိုးပမ်းအားထုတ်သော်လည်း အနောက်အလက်ပို အပါအဝင် ဒေသ အများအပြားမှာ ကျွန်ုပ်တို့ အလုပ်လုပ်ကိုင်နိုင်ခြင်း မရှိပါ။ သို့သော် ကျွန်ုပ်တို့သည် အဆိုပါ ဒေသများတွင် လူသားချင်းစာနာမှုနှင့် ဆေးဘက်ဆိုင်ရာ အကူအညီများပေးရန် ဆက်လက် ကြိုးပမ်းနေပါသည်။

Facebook comments